Bahagi Ng Pananalita

Bahagi Ng Pananalita

1) Pangngalan ay mga pangalan ng tao, hayop, pook, bagay, pangyayari. Ito ay ginamit sa pagtawag sa pangalan ng mga hayop, tao, lugar at pangyayari.

Halimbawa:

· Bogart ang panagalan ng aso nila.

· Si Angelina ang pinakamabait sa lahat.

· Sa SM Bacoor ay maraming tao.

· Bagong Taon ang gusto ko sa lahat.

· Ang lapis na hawak mo ay sa kanya.

2) Pangatnig à ay ginagamit para ipakita ang relasyon ng mga salita sa pangungusap.

Halimbawa:

· Magkaisa kayo upang umunlad ang bansa natin.

· Mahal ka niya dahil mabait at maganda ka.

· Nagalit siya sa iyo gawa ng siniraan mo siya.

· Mag-aral ka ng mabuti upang tumaas ang iyong marka.

· Lumapit ka para marinig mo.

3) Panghalip à ay ginagamit sa pagpapalit o paghalili sa pangngalan.

· Ako ang mamumuno sa bayan na ito.

· Tayo ay magtulungan.

· Siya ang astig sa lahat.

· Sa kanya ko binigay an gang aking bag.

· Sa atin mapupunta ang kagalingan ng bayani.

4) Pang-ukol à ay ginagamit kung para kanino o para saan ang kilos.

Halimbawa:

· Bumili siya ng libro para kay Carlo.

· Ipinasa niya lahat ang kanyang marka liban sa Math.

· Sumama siya kahit labag sa kanya.

· Nagpaliwanag siya tungkol sa paksa.

· Nakatanggap ako ng regalo mula sa iyo.

5) Pandiwa à bahagi ng pananalita na nagsasad ng kilos.

Halimbawa:

· Sumasayaw ng low ang mga bata.

· Kumakanta si Dexter ng fall for you.

· Lumalangoy siya sa dagat.

· Umaarte siya na parang artista.

· Tumatakbo siya ng mabilis.

6) Pang-angkop à bahagi ng pananalita na ginagamit para maging maganda pakinggan ang pagkakasabi ng pangungusap.

Halimbawa:

· Magandang bata si Elena.

· Masipag na estudyante si Melvin.

· Si Allan ay mahinahong makipag-usap.

· Marangal na pag-uugali ang meron kay Marvin.

· Butihing anak si Jason.

7) Pang-uri à naglalarawan ng karakter o katangian ng pangngalan o panghalip.

Halimbawa:

· Mayabang si Chris Michael.

· Malago ang puno.

· Matangkad ang mga manlalaro ng basketball.

· Mataba si Jen.

· Mabait na bata si Angelu.

8) Pang-abay à naglalarawan kung paano ginawa ang kilos o pandiwa o naglalarawan din ng kapwa pang-abay.

Halimbawa:

· Mabilis tumakbo si Lydia de Vega.

· Ang buong mag-anak ay nagsimba kahapon.

· Maliligo kami sa ilog.

· Sampung magagandang dalaga ang kalahok sa paligsahan.

Tunay na mapagkakatiwalaan ang kaibigan ko.

Pangngalan ang tawag sa bahagi ng pananalita na nagsasaad ng ngalan ng tao, bagay, lunan, hayop, o pangyayari. Mga uri:

Pantangi

Ito ang twag sa uri ng mga tangi at tiyak na ngalan ng tao, bagay, lunan, o pangyayari. Isinusulat sa malaking titik ang unang titik ng mga pangngalang pantangi.

Pambalana

Ito ang pangkalahatang pangngalan ng tao, bagay, lunan, hayop, o pangyayari. Ito ay isinusulat sa maliit na titik, maliban kung ginagamit na mga pamagat o simula ng pangungusap.

Panghalip ang tawag sa mga salitang panghalili sa mga nabanggit nang pangngalan upang maiwasan ang pag-uulit ng mga ito. Mga uri:

Panao, ay ginagamit na panghalili sa ngalan ng tao.

1. unang panauhan: ako, ko, akin, amin, tayo

2. ikalawang panauhan: ka, ikaw, inyo, kayo, ninyo

3. ikatlong panauhan: siya, niya, nila, sila, kanya

Pananong, ay salitang kumakatawan sa ngalan ng tao o bagay sa paraang patanong.

1. isahan: alin, sino, saan, ano, kailan, gaano

2. maramihan: alin-alin, sinu-sino, saan-saan, anu-ano, kai-kailan, gaa-gaano

Pamatlig, ay humahalili sa mga pangngalan at nagtuturo ng mga tao, bagay, lunan, o pangyayari.

1. malapit sa nagsasalita: ito, nito, dito

2. malapit sa kinakausap: iyan, diyan, hayan

3. malayo sa nag uusap: yaon, doon, ganoon

panaklaw, ay sumasaklaw sa bilang o dami.

1. iba, bawat, balana, isa pa, madla, lahat, tanan

Pang-uri ay nagbibigay turing sa pangngalan o panghalip. Mga uri:

Panlarawan, kapag naglalahad ng katangian, kalagayan, hugis, o laki ng isang pangngalan o panghalip.

Pamilang, kapag nagsasaad ng bilang o kabuuan ng isang pangngalan o panghalip.

Pandiwa ang tawag sa bahagi ng pananalita na nagsasaad ng kilos o gawa. Mga aspekto:

Perpektibo o naganap na

Imperperktibo o nagaganap na

Kontemplatibo o gaganapin pa.

Pang-abay ay nagbibigay turing sa pandiwa, pang-uri, o kapwa pang-abay. Mga uri:

Pang-agam, nagsasaad ng pag-aalinlangan at d-katiyakan sa gawain ng pandiwang binibigyang-turing nito.

Pamanahon, nagsasabi ng panahon o kung kailan ang kilos ng pandiwa; isinasaad din nito ang dalas ng pagkakaganap ng pandiwa.

Panlunan, tumutukoy sa pook kung saan naganap, nagaganap, o magaganap ang kilos ng pandiwa.

Panang-ayon, nagsasaad ng pagsang-ayon

Pananggi - nagsasaad ng pagtanggi.

Pang-ugnay ang tawag sa mga kataga at salitang ginagamit na tagapag-ugnay ng mga salita, kaisipan at mga pahayag sa pangungusap.

Pang-angkop - nag-uugnay ng salita sa kapwa salita upang maging madulas ang pagbigkas.

1. -ng, pangatnig

2. -na, katinig

3. -g, letrang n

Pang-ukol, nag-uugnay ng pangngalan sa iba pang salita sa pangungusap.

1. para, tungkol, ukol, hinggil, ayon, laban, alinsunod, (sa / kay)

2. kay / kina

3. ng / sa

4. ni / nina

Pangatnig, nagpapahayag ng kaugnayan ng isang salita o mga salita, sa kapwa salita o mga salita ng isang kaisipan sa kapwa kaisipan.

1. Pamukod, ginagamit ito kung sa dalawa o higit pang kaisipan, ang isa ay ibig itangi o pinag-aalinlangang piliin. Hal: dili, man, kaya, o

2. Paninsay, ginagamit ito kapag sa pangungusap ang unang bahagi ay sinasalungat ng ikalawa. Hal: ngunit, subalit, datapwat, sukdang, maliban, natangi, bagkus, habang

3. Panlinaw, ginagamit ito kung nais na lalong paliwanagin ang mga bagay na nasabi na. Hal: samaktwid, tahasang sabi, anupa't, sa halip, kung gayon, alalaon man lamang